SEPNA

Ada seorang remaja de pu nama Sepna, sekarang sepna ni de mau mengadu ke de pu mama tentang de pu kehamilan. Tapi de takut sekali de pu mama marah dia jadi de agak ragu-ragu, dan akhirnya de beranikan diri untuk bicara ke de pu mama

Sepna : maaa.....sa mau bilang sesuatu dulu..,tapi mama jang marah sa eee..??

Mama : yo.. kas tau sudah.,ko mo bilang apa jadi ??

Sepna : (memeluk ibunya dari belakang dengan nada pelan dan kata yang terbata bata) ma.. kayanya sepna hamil ma...

Mama : apaaaaaaa!!??.. ko bilang apa?? Ko stop bicara sudaha..

Sepna : sa minta maaf mama, mama jang marah sepna e

Mama : (terdiam sejenak) mungkin ko kecapean itu, ko pi istirahat sudah, tidur sana.

Sepna : tapi akhir-akhir ini sepna mual-mual trus ma..??

Mama : ah paling ko masuk angin kapa, ini mama kasih uang ko pi bli minyak kayu putih, trus ko gosok ko pu perut itu baru ko pi tidur istirahat. Besok pagi paling su baik lagi

Sepna ; (bukannya tambah tenang tapi malah nangis) hiks...hiks..hikss.. sa tra masuk angin ma, akhir-akhir ini sa bawaan tinggal mau makan yang asam-asam trus maa..??

Mama : akhhh,, itu ko pu sariawan itu yang bikin ko begitu,, makanya jadi orang tuh jangan terlalu rakus..

Sepna : MAAA... tolong kah ma..kali ini sepna tra tipu, mama kenpa tra pernah percaya sama sepna kah?? (muka sedih)

Mama : SSEEEEPPPPNNNAAATTTTT!!!! ko stop bicara sudah!otak mati! Banci itu trada rahim, jadi ko stop menghayal bisa hamil!!! Ko bicara satu kali lagi langsung panci dengan blanga" ni pica di ko pu kepala, ko pi tidur sana cepat.. kaskado nih..

HAHAHAHAHA sepna tra kosong...